குருவோடு சேர்ந்திரு - சின்னப்பயலே! Kabir song translation

 குருவோடு சேர்ந்திரு - சின்னப்பயலே! 

என்ன யோசிக்கிற எப்போதும்?

கரை கடக்க வேணுமின்னா

படகோட்டியோட  நட்போட இருக்க வேணும் .

பற்று அற்றுப்போகுமடா  ,

பவசாகரம் கடந்து போகலாமடா .

குருவோடு சேர்ந்திரு - சின்னப்பயலே!

என்ன யோசிக்கிற எப்போதும்?

காட்சி தெரிய வேணுமின்னா,

கண்ணாடியை தொடச்சு வைக்க வேணும் .

கண்ணாடியில் கரை படிஞ்சா,

காட்சி  எங்கிருந்து  கிடைக்கும்?

குருவோடு சேர்ந்திரு - சின்னப்பயலே! 

என்ன யோசிக்கிற எப்போதும்?

வீதியிலே கூடுது ஓர்  பெருங்கூட்டம் ,

அதை சும்மா வேடிக்கை பார்க்க போவோம்,

கூட்டமெல்லாம் கலைஞ்சு போனதும் 

அன்னம் மட்டும் தனியே  பறந்து போகும் . 

குருவோடு சேர்ந்திரு - சின்னப்பயலே!

என்ன யோசிக்கிற எப்போதும்?

மனசை தேடிப் பார்த்தால்  - கபீர் இங்கே  ,

உள்ளே இருக்குது பார் வெட்டும் கத்திரிக்கோல்.

கத்திரி இணைப்பு விடுபடாவிட்டால் , 

நம்மைக்  காலன் கொண்டு  போய் விடுவான்!

குருவோடு சேர்ந்திரு - சின்னப்பயலே!

என்ன யோசிக்கிற எப்போதும்?

Translated by Parameswari Kumar. 

White fire - Mooji - Tamil

 நாம் ஒன்றே.

நம்முள் இருப்பது ஒன்றே.

நாமாக இருப்பது ஒன்றே. 

🍁உண்மை சாதாரணமாக இருப்பது.

அதை கற்பிக்கவோ, கற்றுக்கொள்ளவோ வேண்டியதில்லை.

சுட்டிக்காட்டப்படவும் 

கண்டுணரவும் , விரும்பவும் , மதிக்கப்படவும்  வேண்டும்.

🍁இந்தப்பாதை  உண்மையில் ஒரு  பாதை அல்ல. அது ஓர் ஆழம்.

அது தொலை தூரம் அல்ல,

அசைவின்மையில் ஆழ்ந்திருப்பது,

சலனமற்றதில் நிலை பெற்றிருப்பது.

இது நடந்து செல்லும் பயணம் அல்ல.

பயணங்கள் உடலுக்கும், ஆணவத்துடன் கூடிய மனதுக்கும் ஆகும்.

ஆனால், உள்ளார்ந்த  நுண்ணுணர்வு  - உன்னை

அறியாததின் ஆழத்திலுள்ள ஆனந்தத்திற்கு இட்டுச்செல்லும்.

~Mooji